Kya The Voh Din!

Chahe voh class mein ek doosre ko dekhkar apni hasi na rok paana ho,

Ya teacher ke class ke bahar kar dene ke baad corridor mein besharmon ki tarah maze karna ho,

Chahe voh lunch break mein saath baithkar ek doosron ke dabbon mein se khana khana ho,

Ya har period ke khatam hone par agle period ko bunk kaise karein yeh sochna ho,

Chahe voh din bhar padhai chodkar apne yaaron ke saath yaariyan nibhana ho,

Ya teacher ke jagah badalne ke panch minute baad apne doston ke saath phir baith jaana ho,

Chahe voh class mein guitar bajakar bina sur ke hazar baar vahi gaana gaake dance karna ho,

Ya voh padhai ko har roz kosna ho,

Chahe voh games period ke liye bheek mangna ho har kisi se,

Ya MPT ka naam sunke rona ho,

Chahe voh corridors mein washroom jaane ke bahane doston ke saath ghoomna ho,

Ya voh ek doosre ko chidhakar taang kheechna ho,

Yahan bitaya har ek second in 12 saalon ka bahut ahem hai.

Dost mere, aaj yeh bhale hi yahan par aakhri din ho,

Yeh alvida nahin hai.

Ek second ke liye bhi yeh mat sochna ki tumne mere vada pav aur movies ke paise nahin dene ab!

1.